"İndi zəif komandalar qalmayıb" - Bolqarıstan millisinin üzvü
Bolqarıstan milli komandasının yarımmüdafiəçisi Qeorqi Kostadinov martın 22-də Tanzaniya, martın 25-də isə Azərbaycan yığmalarına qarşı keçirəcəkləri oyunlardan danışıb.
Msport.az xəbər verir ki, FİFA Series-2024 çərçivəsində hər iki görüş Bakıda baş tutacaq:
“Əhval-ruhiyyəmiz yüksəkdir. Biz hamımız qarşıdakı oyunlara köklənmişik. Milli komandada hər bir oyun vacibdir. Baş məşqçiyə hər hansı ideyalarını həyata keçirmək üçün əlverişli vaxtdır. Rəqiblərimizə gəlinsə, futbol çox tez inkişaf edir. İndi zəif komandalar qalmayıb”. (Sportal.bg)
