İngiltərə Premyer Liqası: “Arsenal” və “Totenhem” məğlub oldu
İngiltərə Premyer Liqasında əvvəlki turlardan təxirə salınmış iki oyun keçirilib.
Msport.az xəbər verir ki, “Arsenal” öz meydanında “Vest-Hem”ə məğlub olaraq (0:2) liderliyə yüksəlmək imkanını əldən verib.
Günün digər oyunu isə daha məhsuldar olub. “Brayton” öz meydanında “Totenhem”i 4:2 hesabı ilə üstələyib.
Beləliklə, 19 turdan sonra “Liverpul” 42 xalla turnir cədvəlinə başçılıq edir. Ondan 2 xal geri qalan “Arsenal” ikincidir. Üçüncü pillədə qərarlaşan “Aston Villa”nın isə hesabında 39 xal var.
