İngiltərə və İtaliya klubu onu istəyir
İki klub “Monako”nun futbolçusu Yussuf Fofanı heyətinə qatmaq istəyir.
Msport.az xəbər verir ki, “Milan”ın 17 milyon avroluq ilk təklifi qarşı tərəfi qane etməyib.
Bundan yararlanan “Vest Hem” 25 yaşlı oyunçunun keçidi müqabilində qarşı tərəfə 35 milyon avro təklif edib. Bu isə Fransa klubunun tələb etdiyi məbləğdi. İndi “Milan”ın ikinci cəhddə hansı təkliflə “Monako”nun qapısını döyəcəyindən çox şey asılıdı. Fransa millisinin üzvü tezliklə bu iki klubdan birinə keçəcək.
Qeyd edək ki, Yussuf Fofananın “Monako” ilə müqaviləsi gələn ilin yayına qədərdi.
