İngiltərəli futbolçu Səudiyyə Ərəbistanında
İtaliyanın “Roma” klubunun futbolçusu Kris Smollinq tezliklə Səudiyyə Ərəbistanı təmsilçisi “Əl-Feyh”yə transfer olunacaq.
Msport.az xəbər verir ki, bu barədə “X” sosial şəbəkəsində jurnalist Fabritsio Romano yazıb.
34 yaşlı mərkəz müdafiəçisi ilə müqavilə 2026-cı ilə qədər bağlanacaq. Sabah, sentyabrın 2-də ingilis futbolçu tibbi müayinədən keçəcək.
Qeyd edək ki, müdafiəçi 2019-cu ildən “Roma”da çıxış edir. Bu müddət ərzində o, bütün turnirlərdə 155 matçda iştirak edib, 10 qol vurub və 4 məhsuldar ötürmə edib.
