“İnter” bu gün yeni transferini açıqlayacaq
Markus Türam bu gün “İnter”lə müqavilə bağlayacaq. Msport.az xəbər verir ki, fransalı futbolçu Milana gələrək tibbi müayinədən keçəcək.
25 yaşlı hücumçu 5 illik anlaşmaya imza atacaq.
O, ilinə 6-6,5 milyon avro maaş alacaq. Türam İtaliya klubuna azad agent kimi keçəcək.
Fransa millisinin üzvü 2019-cu ildən Münhenqladbax “Borussiya”sında çıxış edirdi. O, buna qədər Fransada “Soşo” və “Genqam”ın da şərəfini qoruyub.
Türam ötən mövsüm Almaniya Bundesliqasında 30 oyunda 13 qol vurub.
ANAR
