“İnter” İtaliya kubokunu qazandı!
İtaliya kubokunun finalında “İnter” və “Fiorentina” komandaları üz-üzə gəlib.
Msport.az xəbər verir ki, oyun Romadakı “Olimpiko” stadionunda keçirilib.
Florentsiya klubunun hücumçusu Nikolas Qonsalesin erkən qolu (3-cü dəqiqə) “İnter” futbolçularını ruhdan salmayıb. Fasiləyə qədər 29 və 37-ci dəqiqələrdə vurduğu qollarla Lautaro Martines dubl edib.
İkinci yarıda da üstünlüyünü qoruyub saxlayan Simone İnzaqinin komandası mükafata sahib olub.
Qeyd edək ki, bu Milan klubunun qazandığı 9-cu İtaliya kuboku olub. “Nerazurri” 1939, 1978, 1982, 2005, 2006, 2010, 2011 və 2022-ci illərdə kuboka yiyələnib.
“Roma”nın da aktivində kubokda 9 qələbə var. Ən titullu komanda isə “Yuventus”dur – 14.
ANAR ABDULLAYEV
