“İnter” müdafiəçisini itirdi
“İnter” müdafiəçisi Federiko Dimarkonu itirib.
Msport.az xəbər verir ki, 27 yaşlı futbolçu A seriyasının XXVII turunda “Napoli” ilə oyunda zədələnib.
Arxa xətt oyunçusu 1:1 hesabı ilə başa çatan matçın 22-ci dəqiqəsində hesabı açdıqdan sonra xəsarət alıb. Dimarko oyunu davam etdirsə də, ikinci hissədə əvəzlənməli olub. Ombasından zədələnən oyunçunun durumuna tibbi müayinədən sonra aydınlıq gələcək.
Qeyd edək ki, “İnter” martın 5-də Çempionlar Liqasının 1/8 final mərhələsində “Feyenoord”la qarşılaşacaq.
