İran millisinin üzvü La Liqada oynaya bilər
İran milli komandasının hücumçusu Sərdar Azmun karyerasını İspaniya La Liqasında davam etdirə bilər. Msport.az xəbər verir ki, bu barədə məşhur insayder Fabritsio Romano paylaşım edib.
Onun sözlərinə görə, 29 yaşlı futbolçu ilə “Sevilya” yaxından maraqlanır. İspaniya klubu Yussef Ən-Nessirinin yerinə yeni hücumçu axtarışındadır. “Sevilya” Azmunun transfer hüquqlarına malik olan “Bayer”lə danışıqlara başlayıb.
Qeyd dək ki, forvard ötən mövsümü icarə əsasında “Roma”da keçirib. Azmunun “Bayer”lə müqaviləsi 2027-ci ilin iyununa kimi nəzərdə tutulub.
