İspaniya millisi Avro-2024-ü qazanarsa, nə qədər mükafat alacaq?
İsspaniya millisinin Avro-2024-də çempion olarsa, alacağı mükafat məlum olub. Msport.az xəbər verir ki, bu barədə Sport.es məlumat yayıb.
İspanlar finalda İngiltərəni məğlub edələrsə, 28,25 milyon avro mükafata sahib olacaqlar.
Mənbənin sözlərinə görə, bu məbləğin 40 faizi futbolçuların hesabına köçürüləcək. Əgər İspaniya uduzarsa, futbolçular ümumi məbləğin 30 faizini alacaqlar.
Xatırladaq ki, final oyunu bu gün saat 23:00-da Berlindəki “Olimpiaştadion”da keçiriləcək.
