İspaniya nəhəngində növbəti ciddi itki
İspaniyanın “Real” komandası daha bir ciddi itki ilə üzləşib.
Msport.az xəbər verir ki, bu barədə klubun mətbuat xidməti məlumat yayıb.
“Kral klubu”nda Rodriqo sıradan çıxıb. Əzələsində zədə olan 23 yaşlı braziliyalı vinger “Jirona” ilə oyun üçün səfərdə aparılmayıb. Madrid təmsilçisinin digər futbolçuları Vinisius Junior, David Alaba, Dani Karvahal, Eder Militao və Eduardo Kamavinqa da zədəlidir.
Qeyd edək ki, “Jirona” – “Real” qarşılaşması bu gecə Bakı vaxtilə saat 00:00-da start götürəcək.
