İspaniyalı dünya və Avropa çempionu karyerasını bitirdi
“Yuventus”un və İspaniya millisinin sabiq hücumçusu Fernando Loryente karyerasını başa vurub.
Msport.az “Goal.com”a istinadən xəbər verir ki, 37 yaşlı futbolçu bundan sonra peşəkar səviyyədə oynamayacaq:
“Mənə artıq hər şey aydındır. Padel (tennisin bir növü- red.) oynayaraq idmanla məşğul olacam”.
Xatırladaq ki, Loryente “Atletik”, “Yuventus”, “Sevilya”, “Tottenhem”, “Napoli” klublarında çıxış edib. Onun son komandası İspaniya “Eybar”ı olub.
Loryente 3 dəfə A seriyasını, iki dəfə isə İtaliya kuboku və Superkubokunu qazanıb. Bir dəfə Avropa Liqasında qalib olub.
Forvard İspaniya yığmasının heyətində 2010-cu ildə dünya, 2012-də isə Avropa çempionatının qızıl medalını qazanıb.
ANAR ABDULLAYEV
