İspaniyalı futbolçu Avropa çempionatı və olimpiadanı buraxır
İspaniya millisinin futbolçusu Qavi yayda Almaniyada keçiriləcək Avropa çempionatını buraxacaq.
Msport.az yerli “Sport” nəşrinə istinadən xəbər verir ki, hazırda zədəli olan gənc yarımmüdafiəçi sağalsa belə, ehtiyat tədbiri olaraq yığmaya cəlb edilməyəcək.
Bildirilib ki, “Barselona”nın oyunçusunun sağalması gözləniləndən daha yaxşı gedir. O, təqribən gələn ay yüngül məşqlərə start verə biləcək.
Futbolçunun iyunda tam olaraq yaşıl meydanlara qayıdacağı gözlənilir. Lakin federasiya Qavini Avropa çempionatı və Paris olimpiadasına aparmayacaq.
