İstanbul təmsilçisində itki
“Fənərbağça” ciddi itki ilə üzləşib.
Msport.az xəbər verir ki, İstanbul klubunun futbolçusu İrfan Can Kahveci zədələnib.
O, Türkiyə Superliqasının 11-ci turunda “Trabzonspor”la matçda zədə alıb. Görüşdən sonra keçirilən tibbi müayinə zamanı İrfan Canın əzələsində yırtıq aşkarlanıb. Həkimlər Kahvecinin ən azı 3 həftə yaşıl meydanlardan kənarda qalacağını bildiriblər.
Qeyd edək ki, İrfan Can Kahveci cari mövsümdə 15 oyunda 1 qola imza atıb.
