İtaliya çempionu Səudiyyə Ərəbistanında?
İtaliyanın “Napoli” klubunun futbolçusu Viktor Osimhen karyerasını Səudiyyə Ərəbistanında davam etdirməyə yaxındır.
Msport.az xəbər verir ki, bu barədə insayder Fabritsio Romano paylaşım edib.
“Əl-Əhli” hücumçunun keçidi ilə bağlı Neapol təmsilçisi ilə razılıq əldə etməyə yaxındır. Transfer üçün 65 milyon avro ödəniləcəyi gözlənilir.
Qeyd edək ki, Osimhen bütün turnirlərdə 32 oyuna çıxıb, 17 qol və 4 məhsuldar ötürmə ilə yadda qalıb. O, 2022/2023 mövsümündə komanda ilə İtaliya çempionu olub.
