İtaliya çempionunda yeni müqavilə
İtaliyanın “Napoli” klubu futbolçusu Matteo Politanonun müqaviləsinin müddətini uzadacaq.
Msport.az yerli mətbuata istinadən xəbər verir ki, 30 yaşlı yarımmüdafiəçinin yeni sözləşməsi 2028-ci ilin yayınadək nəzərdə tutulacaq.
2020-ci ildən komandanın uğurları üçün çalışan oyunçu ötən mövsüm A Seriyasının qalibi olub.
Qeyd edək ki, Matteo Politano bu mövsüm 25 oyunda 6 qol vurub, 5 məhsuldar ötürmə verib.
