İtaliya Kubokunda 51 illik həsrət bitdi
İtaliya Kubokunda 2024-25 mövsümünün qalibi bəlli olub.
Msport.az xəbər verir ki, final oyununda “Milan” “Bolonya” ilə qarşılaşıb.
Romanın “Olimpiko” stadionunda təşkil olunan görüşün taleyini 1 qol həll edib. Dan Ndoyun 53-cü dəqiqədə vurduğu yeganə qol “Bolonya”ya kuboku qazandırıb.
Bununla bolonyalılar 51 illik həsrətə son qoyub. Komanda daha əvvəl 2 dəfə – 1970 və 1974-cü ildə İtaliya Kubokunu qazanmışdı.
“Milan” isə ölkə kubokunda keçirdiyi 15-ci final matçının 10-da məğlub olub. “Rossoneyerlər” axırıncı dəfə 2003-cü bu titula yiyələnib.
