İtaliya nəhəngləri “Real”ın hücumçusuna maraq göstərir
“Yuventus” və “Milan” “Real”ın hücumçusu Endrikə maraq göstərir.
Msport.az xəbər verir ki, braziliyalı futbolçunun satışı halında “kral klubu” onun geri alınması üçün xüsusi bənd nəzərdə tuta bilər.
Bu, 2024-cü ilin yayında yarımmüdafiəçi Nikolas Pasın “Komo”ya keçidi zamanı tətbiq olunan mexanizmə bənzəyəcək.
18 yaşlı forvard geridə qalan mövsümdə bütün turnirlərdə 37 oyunda iştirak edib, 7 qol və 1 məhsuldar ötürmə ilə yadda qalıb. Onun klubla hazırkı müqaviləsi 2030-cu ilin yayına qədər qüvvədədir.
