Juninyo "Flamenqo"da debüt etdi - FOTOLAR
Qış fasiləsində “Qarabağ”ı “Flamenqo”ya dəyişən Juninyo yeni komandasında debüt edib.
Msport.az xəbər verir ki, braziliyalı hücumçu Quanabara Kubokunun qrup mərhələsinin V turunun “Volta Redondo” ilə görüşündə meydana çıxıb.
Matça ehtiyatda başlayan 28 yaşlı forvard 60-cı dəqiqədə Beyni Henrikenin yerinə meydana daxil olub.
Rəqibini 2 cavabsız qolla üstələyən “Flamenqo” xallarını 7-yə çatdıraraq, yarımfinala vəsiqəni təmin edib.
Qeyd edək ki, Juninyo “Flamenqo”ya 5 milyon avro təzminat qarşılığında keçib.
