Kadi qayıdışını qolla qeyd etdi
Rusiya çempionatında 1-ci turun oyunları keçirilir. Msport.az xəbər verir ki, “Qarabağ”ın sabiq futbolçusu Kadi Borges açılış matçında rəqib qapısına yol tapıb.
Onun şərəfini qoruduğu “Krasnodar” öz meydanında “Spartak”la üz-üzə gəlib. Görüş qonaqların 2:1 hesablı qələbəsi ilə başa çatıb.
80-ci dəqiqədə meydana daxil olan Kadi 90+5-ci dəqiqədə fərqlənib.
Qeyd edək ki, bu 27 yaşlı yarımmüdafiəçinin ağır zədədən sonra ilk oyunu olub.
