Kadi Borges əməliyyat olundu
“Qarabağ”ın sabiq futbolçusu Kadi Borges əməliyyat olunub.
Msport.az-ın məlumatına görə, bu barədə braziliyalı yarımmüdafiəçinin agenti Helsio Alisk açıqlama verib.
O bildirib ki, aprelin 30-da bıçaq altına uzanan oyunçu hazırda özünü yaxşı hiss edir: “Həkim nəzarəti altındadır. Sıraya nə vaxt dönəcəyi bəlli deyil”.
Qeyd edək ki, “Spartak”la matçda Moskva klubunun müdafiəçisi Georgi Cikiya ilə toqquşan Kadinin üz sümüyü sınıb.
