Kapitan meydanı xərəkdə tərk etdi
İspaniya La Liqasının IX turunda “Real”ın (Madrid) kapitanı Dani Karvahal ciddi zədə alıb.
Msport.az xəbər verir ki, “kral klubu”nun doğma meydanda “Vilyarreal”ı qəbul etdiyi matçın sonlarında 32 yaşlı müdafiəçinin ayağı burxulub.
Göz yaşlarını saxlaya bilməyən Karvahal meydanı xərəkdə tərk etmək məcburiyyətində qalıb.
Qeyd edək ki, qarşılaşma “Real”ın 2:0 hesablı qələbəsi ilə yekunlaşıb.
