Karlo Ançelottinin ÇL-də 200-cü oyunu
Hazırda İspaniyanın “Real” klubunun sükanı arxasında olan Karlo Ançelotti Çempionlar Liqasının tarixinə düşüb.
Msport.az xəbər verir ki, “Mançester Siti” ilə 1/4 final mərhələsinin ilk oyunu (3:3) mütəxəssis üçün əlamətdar olub.
İtaliyalı çalışdırıcı məşqçilik karyerasında ÇL-də 200-cü görüşünü keçirib.
O, qitənin ən nüfuzlu turnirində komandanı 200 qarşılaşmaya çıxaran ilk məşqçi kimi tarixə düşüb. Bu göstəricidə ikinci yeri Aleks Ferqyuson (190 oyun), 3-cü pilləni isə Arsen Venger (178) tutur.
Dünənki qarşılaşma “şəhərlilər”in baş məşqçisi Pep Qvardiola üçün ÇL-də 168-ci olub.
Qeyd edək ki, Karlo Ançelotti Çempionlar Liqasında “Parma”, “Yuventus”, “Milan”, “Çelsi”, PSJ, “Bavariya” və “Napoli”ni də meydana çıxarıb.