Klopp “Liverpul”un tarixinə düşdü
“Liverpul”un baş məşqçisi Yurgen Klopp İngiltərə klubunun tarixinə düşüb.
Msport.az xəbər verir ki, Mersisayd təmsilçisinin sükanı arxasında Liqa Kubokunu ikinci dəfə qazanan almaniyalı mütəxəssis bu titula birdən çox sahib çıxan üçüncü çalışdırıcı olub.
Daha əvvəl Jerar Ulye (2001, 2003) və Bob Peysli (1981, 1982, 1983) bu uğura imza atıb.
Qeyd edək ki, “Liverpul” əlavə vaxtda Vircil van Deykin vurduğu qolla “Çelsi”ni məğlub edərək tarixində 10-cu dəfə İngiltərə Liqa Kubokuna sahib çıxıb.
