Klublar federasiyadan yardım istədi
Liqa 1 və Liqa 2 klubları Fransa Futbol Federasiyasından hakimlik xərclərini ödəmək üçün maliyyə yardımı istəyiblər.
Msport.az xəbər verir ki, həmin pul hazırda liqalar tərəfindən təmin edilir.
Söhbət məbləğin qismən ödənilməsindən gedir. Hakimlərin mövsüm üçün ümumi xərcləri 25 milyon avro qiymətləndirilir. Liqa 1 və Liqa 2 prezidentləri bu məbləğdən 10 milyon avroluq xərclərin ödənilməsini tələb edirlər.
Bu sorğu təkcə növbəti 2025-26 mövsümünə deyil, həm də 2026-27 mövsümünə aid ola bilər. Fransa Peşəkar Futbol Liqasının iclasında iqtisadi planın gedişi ilə bağlı müzakirə olunacaq.
Qeyd olunur ki, son bir neçə mövsümdə xüsusilə Fransa çempionatında VAR texnologiyasının yaranması ilə hakimlik xərcləri artıb.
