Kvaratsxeliya zədələndi
İtaliyanın “Napoli” klubunun aparıcı futbolçularından hesab olunan Xviça Kvaratsxeliya zədələnib.
Msport.az xəbər verir ki, hücumçu A Seriyasının I turunda “Verona”ya 3:0 hesabı ilə qalib gəldikləri matçda sıradan çıxıb.
Qarşılaşmanın ilk yarısında rəqib müdafiəçisi Pavel Davidoviçlə toqquşan forvard oynamağa davam etsə də, fasilə ərəfəsində qazona yıxılaraq, əvəzləmə işarəsi verib. Tibb işçilərinin müdaxiləsindən sonra meydanı tərk edən Kvaratsxeliya 45+4-cü dəqiqədə əvəzlənib. Onun nə zaman yaşıl meydanlara dönəcəyinə tibbi müayinədən sonra aydınlıq gələcək.
