La Liqa klubu baş məşqçini istefaya göndərdi
İspaniyanın “Las Palmas” komandası baş məşqçi Luis Karrion ilə yollarını ayırıb.
Msport.az klubun rəsmi saytına istinadən xəbər verir ki, buna komandanın La Liqada göstərdiyi uğursuz çıxış səbəb olub. 46 yaşlı mütəxəssisin 2026-cı ilin yayında başa çatacaq müqaviləsinə vaxtından əvvəl xitam verilib.
“Las Palmas” Luis Karrionun rəhbərliyi altında bu mövsüm 9 turdan sonra topladığı 3 xalla sonuncu – 20-ci yerdə qərarlaşıb.
