Levandovski zədələndi
“Barselona”nın hücumçusu Robert Levandovski zədələnib.
Msport.az xəbər verir ki, bu barədə klubun mətbuat xidməti məlumat yayıb.
O, ötən gecə Çempionlar Liqasının qrup mərhələsinin 2-ci turunda “Portu” ilə görüşün (1:0) 36-cı dəqiqəsində sıradan çıxıb. 35 yaşlı forvard sol ayağının topuq oynağından zədə alıb. Nəticədə Levandovski Ferran Torreslə əvəzlənib. “Barselona” onun nə vaxt yaşıl meydanlara qayıda biləcəyini açıqlamayıb.
Qeyd edək ki, Robert bu mövsüm ümumilikdə 10 matçda 6 qol vurub, 4 qolun ötürməsini verib.
