“Liverpul” Almaniya klubunun üç futbolçusu ilə maraqlanır
İngiltərənin “Liverpul” klubu Almaniya çempionu “Bayer”də çıxış edən üç futbolçu ilə maraqlanır.
Msport.az “CaughtOffside”a istinadən xəbər verir ki, mersisaydlılar Florian Virts, Ceremi Frimponq və Ezekyel Palasiosu heyətinə cəlb etmək istəyir.
Onlardan ən azı birinin növbəti transfer pəncərəsində “Liverpul”un sıralarına qoşulması mümkündür.
İngiltərə Premyer Liqasının bu mövsümündə Arne Slotun komandası dörd qələbə qazanıb və bir məğlubiyyətlə üzləşib. “Liverpul” 12 xal toplayıb və lider “Mançester Siti”dən bir xal geri qalaraq turnir cədvəlinin ikinci pilləsində qərarlaşıb.
