“Liverpul”dan yeni nailiyyət
“Liverpul” İngiltərə Premyer Liqasında növbəti nailiyyətə imza atıb.
Msport.az xəbər verir ki, Mersisayd təmsilçisi buna XXVI turda səfərdə “Luton”a qalib gəlməklə nail olub – 4:1
Fasiləyədək hesabda geri düşən komanda ikinci yarıda dörd qol vurub. Bununla da “Liverpul” əzmkarlıqla qazanılan xalların sayını 22-yə çatdırıb.
Kloppun komandası hesabda geri düşdüyü matçlarda əldə etdiyi xalların sayında Premyer Liqa rekordunu təkrarlayıb. Həmin göstərici də “Liverpul”a məxsusdur. 2008/09 mövsümündə komanda oyunun gedişində uduzduğu qarşılaşmalarda 22 xal toplayıb.
