“Liverpul”un futbolçusunun valideynləri qaçırıldı
İngiltərənin “Liverpul” klubunun futbolçusu Luis Diasın valideynləri qaçırılıb.
Msport.az xəbər verir ki, hadisə Kolumbiyada Quahira departamentinin Barrankas şəhərində baş verib.
26 yaşlı oyunçunun valideynləri avtomobili idarə edərkən motosikletli şəxslər onların yolunu kəsiblər.
Polis artıq futbolçunun anasını xilas edə bilib. Hazırda onun atasının azad edilməsi üçün əməliyyat aparılır.
