Madrid derbisində qol vuran ən gənc futbolçuya çevrildi
İspaniya La Liqasının 23-cü turu çərçivəsində keçirilən “Atletiko” ilə oyun “Real”ın hücumçusu Alvaro Rodriqes üçün əlamətdar olub.
Msport.az xəbər verir ki, 1:1 hesabıyla bitən bu matçda komandasının yeganə qolunu məhz 18 yaşlı forvard vurub.
Bununla da o, 21-ci əsrdə Madrid derbisində qol vuran ən gənc futbolçuya çevrilib. Alvaro 18 yaş 226 günlüyündə fərqlənib.
Bundan əvvəlki rekord Qonsalo İquayna məxsus idi. “Real”ın keçmiş hücumçusu 2007-ci ildə “Atletiko”nun qapısına 19 yaş 76 günlüyündə qol vurmuşdu.
