“Mançester Siti”nin futbolçusu Messi və Ronalduya çatdı
XXI əsrdə ən çox oyunda 5 və ya daha çox qol vuranların siyahısı açıqlanıb.
Msport.az xəbər verir ki, İFFHS-in cədvəlinə buna ən azı 2 dəfə nail olan futbolçular düşüb.
“Mançester Siti”nin hücumçusu Erlinq Holann karyerasında ikinci penta-trikə imza atmaqla siyahıya daxil olub. XXI əsrdə 10 futbolçu ən azı iki dəfə 5 və ya daha çox qola sevinib.
Haland Lionel Messi və Kriştiano Ronalduya çatıb. Rekord Ali Aşfaqa məxsusdur. Maldivli futbolçu 8 görüşdə ən azı 5 qol vurub.
Qeyd edək ki, eyni sayda matçda “5+”a sevinənlər bu oyunlardakı qol sayı və həmin görüşlərin statusuna görə sıralanıb.
1. Ali Aşfaq (Maldiv) – 8
2. Mark Lloyd Uilyams (Uels) – 5
3. Maksim Qruznov (Estoniya) – 4
4. Qreq Draper (Yeni Zelandiya) – 3
5. Lionel Messi (Argentina) – 2
6. Arçi Tompson (Avstraliya) – 2
7. Erlinq Halann (Norveç) – 2
8. Kriştiano Ronaldu (Portuqaliya) – 2
9. Bağdad Bunedja (Əlcəzair) – 2
10. Qarban Kouqhlan (İrlandiya) – 2
