“Mançester Yunayted”in futbolçuları mövsümdə 57-ci dəfə zədə alıblar
İngiltərənin “Mançester Yunayted” klubunun futbolçuları cari mövsümdə 57 dəfə zədələniblər.
Msport.az xəbər verir ki, son olaraq Antoni “Bornmut”a qarşı Premyer Liqanın XXXIII tur matçında sıradan çıxıb.
Braziliyalı oyunçunun zədəsinin isə xarakteri və sağalma müddəti hələlik məlum deyil.
Qeyd edək ki, “qırmızı şeytanlar” Premyer Liqada 32 oyundan sonra 50 xalla 7-ci pillədə qərarlaşıb.
