“Mançester Yunayted”in sabiq müdafiəçisi La Liqanı seçdi
“Mançester Yunayted”in sabiq müdafiəçisi Erik Beyi karyerasını “Ovyedo”da davam etdirəcək. Msport.az xəbər verir ki, 31 yaşlı futbolçusu İspaniya klubuna azad agent kimi keçib.
Onun müqaviləsi 2027-ci ilin 30 iyununa qədər nəzərdə tutulub.
Beyinin son klubu “Vilyarreal” olub. O, ötən mövsüm “sarı kanaryalar”ın heyətində 12 oyun keçirib.
Beyi 7 ildən çox “Mançester Yunayted”in formasını geyinib. Müdafiəçi bu klubda 3 titul qazanıb. Təcrübəli oyunçu “Beşiktaş”, Marsel” və “Espanyol” kimi komandalarda da çıxış edib.
