“Mançester Yunayted”in yeni transferi əməliyyat olundu
İngiltərənin “Mançester Yunayted” klubunun bu yay transfer etdiyi futbolçusu Leni Yoro əməliyyat edilib.
Msport.az xəbər verir ki, 18 yaşlı müdafiəçi ayağından aldığı zədədən sonra əməliyyat edilmək məcburiyyətində qalıb.
Bu barədə klubun mətbuat xidməti məlumat yayıb. Yoronun 3 aydan sonra sıraya dönəcəyi bildirilib.
Qeyd edək ki, “Mançester Yunayted”ə bu yay “Lill”dən keçən Yoro “Arsenal”la yoxlama oyununda zədələnmişdi.
