Maykl Cordanın forması 2 milyon dollardan baha satıldı
Əfsanəvi basketbolçu Maykl Cordanın forması satılıb.
Msport.az xəbər verir ki, amerikalı sabiq basketbolçunun 1992-93 mövsümündə geyindiyi və üçüncü dəfə NBA çempionu olduğu forma 2 milyon 623 min dollara öz sahibini tapıb.
Onun 1992-ci il noyabrın 6-dan 1993-cü il martın 24-nə qədər 17 oyunda geyindiyi forma “Sports Illustrated” jurnalının üz qabığında yerləşdirilib.
Qeyd edək ki, Maykl Cordanın 1998-ci ildə NBA finallarında geyindiyi forma 2022-ci ilin sentyabrında 10 milyon dollara satılıb.
