Mbappe Çempionlar Liqasının oyununu buraxa bilər
PSJ-nin hücumçusu Kilian Mbappe Çempionlar Liqasının 1\8 final mərhələsinin “Bayern Münhen”lə oyununu buraxa bilər.
Msport.az “L`Equipe”ə istinadən xəbər verir ki, Fransa millisinin futbolçusu Liqa-1-də “Monpelye” ilə son görüşdə (3:1) zədə səbəbindən əvəzlənib. O, dizindən zədə alıb.
24 yaşlı forvardın fevralın 14-də keçiriləcək ÇL matçında iştirakı sual altındadır.
Mbappe bu gün tibbi müayinədən keçəcək və ondan sonra zədənin nə dərəcədə ciddi olduğu aydınlaşacaq.
ANAR ABDULLAYEV
