Mərc etdiyi üçün futboldan kənarlaşdırıla bilər
Braziliya millisinin və İngiltərənin “Vest Hem” komandasının futbolçusu Lukas Paketa 10 il müddətində diskvalifikasiya oluna bilər.
Msport.az xarici mətbuata istinadən xəbər verir ki, 27 yaşlı yarımmüdafiəçinin adı mərc qalmaqalında hallanır.
İddiaya görə, L. Paketa oyun zamanı qəsdən sarı vərəqə alıb ki, bir neçə şəxs mərci qazana bilsin. İddia təsdiqini tapsa, oyunçu 10 il futboldan kənarlaşdırılacaq.
Qeyd edək ki, Lukas Paketa 2022-ci ildən “Vest Hem”də çıxış edir.
