Messi Argentinanı dünya çempionatının favoriti hesab etmir
Argentina millisinin və PSJ-nin hücumçusu Lionel Messi Qətərdə keçiriləcək dünya çempionatından gözləntilərini açıqlayıb.
Msport.az “Star+”a istinadən xəbər verir ki, 35 yaşlı futbolçu Argentinanı mundialı favoritləri siyahısında görmədiyini etiraf edib:
“Artıq dünya çempionatının startına kimi günləri sayıram. Yarışın başlamasını səbirsizliklə gözləyirəm. Həvəslə gözləyirəm, hər şey necə keçəcək, qalib kim olacaq? İstəyirəm ki, artıq turnir tez başlasın, eyni zamanda mundialda uğurla çıxış etməyi arzulayıram.
Oyunlar gərgin keçəcək. Ona görə də dünya çempionatları xüsusi yarışdır, heç də hər zaman favoritlər qələbə qazanmır. Bilmirəm, Argentinanı əsas favorit saymaq olarmı? Tarixi keçmişinə görə Argentina favorit hesab oluna bilər. Lakin indi elə komandalar var ki, onların qələbə şansları daha yüksək qiymətləndirilir”.
