"Messi "Barselona"ya qayıtmalıdır" - Tyeri Anri
Fransa millisinin sabiq üzvü Tyeri Anri Lionel Messinin “Barselona”ya qayıtmalı olduğunu deyib. Msport.az yerli mətbuata istinadən xəbər verir ki, argentinalı futbolçu “Lion”la (0:1) oyundan əvvəl PSJ azarkeşləri tərəfindən fitə basılıb:
“Park de Prens”də PSJ azarkeşlərinin fitini dinləməyə adam utanır. Komandanın ən yaxşı oyunçularından birini fitə basmaq olmaz. Messi futbolu sevdiyi üçün “Barselona”ya qayıtmalıdır”.
PSJ fanatları Argentina millisinin üzvünü matçdan əvvəl futbolçular təqdim olunarkən fitə basıblar.
35 yaşlı hücumçunun Paris klubu ilə müqaviləsi iyun ayına qədərdir.
ANAR
