Messi qayıtmasa, “Barselona” onu transfer edə bilər
“Barselona” “Selta”nın gənc istedadı Qabriel Veyqa ilə maraqlanır. Msport.az “As”a istinadən xəbər verir ki, 20 yaşlı futbolçu Kataloniya klubunun transfer siyahısındadır.
Yarımmüdafiəçinin meneceri Pini Zahavi “Mançester Siti”, “Liverpul”, “Mançester Yunayted”, “Bayern Münhen”lə danışıq aparır.
“Barselona”nın prezidenti Joan Laporta hesab edir ki, Veyqanın oyun tərzi onun komandasına uyğun gəlir. Lakin bu transfer yalnız Lionel Messi “Barsa”ya qayıtmayacağı halda reallaşa bilər.
“Selta” Veyqaya 40 milyon avro sərbəst qalma qiyməti qoyub.
ANAR ABDULLAYEV
