Messi “Qızıl top”u ona həsr etdi
“Qızıl top” mükafatını 8-ci dəfə qazanan Lionel Messi bu titulu Dieqo Maradonaya həsr edib.
Msport.az xəbər verir ki, təcrübəli hücumçu Fransanın paytaxtı Parisdə keçirilən tədbirdə sabiq baş məşqçisini xatırlayıb.
36 yaşlı forvard Maradonanı ən yaxşı adlandırıb: “Dieqonu xatırlamaq istəyirəm. Bu gün ad günüdür. Bu təbrik üçün onun kimi futbolu sevən bir çox insanın əhatəsində olmaqdan daha yaxşı yer yoxdur. Ad günün mübarək, Dieqo, bu mükafatı səninlə bölüşürəm. Sən ən yaxşısan”.
Qeyd edək ki, Dieqo Maradona 2020-ci ildə 60 yaşında vəfat edib.
