Messi və Suares Ulduzlar Oyununu buraxacaq
ABŞ-ın “İnter Mayami” klubunun futbolçuları Lionel Messi və Luis Suares MLS-in Ulduzlar Oyununu buraxacaq.
Msport.az xəbər verir ki, buna səbəb hər iki forvardın zədəli olmasıdır.
Messi Amerika Kubokunun finalında Kolumbiya ilə matçda (1:0) aldığı zədə səbəbindən sözügedən görüşdə iştirak edə bilməyəcək.
Qeyd edək ki, MLS Ulduzlar Oyunu iyulun 25-də Kolumbusda (ABŞ) keçiriləcək. Oyunda ən yaxşı MLS futbolçularından ibarət komanda və ən yaxşı Meksika Liqa MX oyunçularından ibarət komanda çıxış edəcək.
