“Milan”da şok itki — 6 aya bərpa olunacaq
“Milan”ın futbolçusu İsmayıl Bennaser ciddi zədə səbəbindən 6 ay yaşıl meydanlardan kənarda qalacaq.
Msport.az xəbər verir ki, İsmayıl Çempionlar Liqasının ilk yarımfinal matçında “İnter”lə oyunun (0:2) 17-ci dəqiqəsində xəsarət alaraq əvəzlənib.
25 yaşlı futbolçu dizindən zədələnib.
Əlcəzairlinin sağalması ən azı altı ay çəkəcək. O, növbəti mövsümün əvvəlini buraxacaq.
Qeyd edək ki, bu mövsüm Bennaser 40 oyuna çıxıb, 3 qol vurub, 2 məhsuldar ötürmə edib və 6 sarı vərəqə alıb.
Royal Türksoy