“Milan” hücumçunun keçidini açıqladı
İtaliyanın “Milan” klubu İspaniya “Atletiko”sunun hücumçusu Alvaro Moratanı transfer edib.
Msport.az xəbər verir ki, bu barədə klubun rəsmi səhifəsi açıqlama yayıb.
İspaniya millisinin kapitanı “rossonerilər”lə “4+1” illik müqavilə imzalayıb. Alvaro “Milan”da 7 nömrəli forma geyinəcək.
Qeyd edək ki, 31 yaşlı forvard əvvəllər “Real”, “Yuventus”, “Çelsi” və “Atletiko”da çıxış edib. O, İspaniya millisində 80 oyun keçirib və 36 qol vurub.
