Milli komandanın idman direktoru ilə müqavilə uzadıldı
Almaniya millisinin idman direktoru Rudi Föller ilə müqavilənin müddəti uzadılıb.
Msport.az xəbər verir ki, 64 yaşlı mütəxəssislə yeni sözləşmə AVRO-2028-in sonuna qədər qüvvədə olacaq. Əvvəlki kontraktın müddəti 2026-cı ilin yayında bitməli idi.
Föller 2023-cü ildən Bundestiminin direktorudur. O, bu vəzifədə Oliver Berhoffu əvəzləyib.
Futbolçu kimi Almaniya millisində 90 oyun keçirən Föller 1990-cı ildə dünya çempionu olub. O, məşqçi kimi milli komandanı 2002-ci il dünya çempionatının finalına çıxarıb.
