Millimizin futbolçusu oynadı, komandası qələbə qazandı
Azərbaycan millisinin müdafiəçisi Rahil Məmmədovun formasını geyindiyi “Radomyak” Polşa liqasında növbəti matçına çıxıb.
Msport.az xəbər verir ki, XII tur çərçivəsində baş tutan görüşdə komanda “Puşa”nı qəbul edib.
Oyun “Radomyak”ın 2:0 hesablı qələbəsi ilə nəticələnib.
Məmmədov meydana start heyətində yer alıb. Millimizin müdafiəçisi oyunu əvəzlənmədən keçirib.
Qeyd edək ki, aktivində 12 xal olan “Radomyak” turnir cədvəlində 18 komanda arasında 13-cüdü.
