Miroslav Klozedən Mahir Emreli haqqında açıqlama
Almaniyanın II Bundesliqa klubu “Nürnberq”in baş məşqçisi Miroslav Kloze Mahir Emreli haqqında danışıb.
Msport.az yerli mətbuata istinadən xəbər verir ki, mütəxəssis hücumçunun yaşıl meydanlara qayıdışının yubanmasından söz açıb:
“Bu oyunu istisna etmək istəmirəm. Demişdik ki, Mahiri “Maqdeburq”la matça çatdıra bilməsək, “Ulm”la oyuna hazırlayacağıq. Amma bərpa prosesi düşündüyümüzdən bir az uzun çəkdi. Bəlkə də bizim daha 2, 3 günə ehtiyacımız olacaq”.
Qeyd edək ki, “Nürnberq” – “Ulm” oyunu sentyabrın 14-də keçiriləcək. Mahir Emrelinin komandası 4 turdan sonra 4 xalla 13-cüdür.
