Modriç dünya çempionatında geyindiyi formanı Türkiyə səfirliyinə təqdim edib - FOTO
Xorvatiya millisinin üzvü Luka Modriç DÇ-2022-də geyindiyi formanı Türkiyə səfirliyinə hədiyyə edib. Msport.az xəbər verir ki, formanın satışından əldə olunacaq gəlir zəlzələdə əziyyət çəkənlərə ayrılacaq.
Türkiyənin Xorvatiyadakı səfiri Yavuz Selim Kıran tvitterdə ulduz futbolçuya təşəkkür edib: “Xorvatiya yığmasının və “Real”ın ulduz futbolçusu dünya çempionatında Mərakeş millisinə qarşı oyunda geyindiyi formanı zəlzələdən zərər çəkənlərə yardım məqsədi ilə bizim səfirliyə təqdim etdi. Təşəkkürlər, Modriç”.
ANAR ABDULLAYEV
