Mourinyodan sərt açıqlama: "Onlar vicdansızdırlar"
“Real”ın baş məşqçisi Joze Mourinyo Vinisius Juniorun 4 oyunluq diskvalifikasiyasına münasibət bildirib.
Msport.az xəbər verir ki, portuqaliyalı mütəxəssis bu məsələdə İspaniya Futbol Federasiyasını günahlandırıb:
“Siz düşününürsünüz ki, İspaniya klubunun futbolçusu 4 oyunluq cəzalanmasını matçda 1 saat qalmış eşidir? Bu normaldır? Yəni onlar bunu sabah səhər edə bilməzdilər?
Məgər Vinisius “Roma” ilə matça gedəndə avtobusda bundan xəbər tutmalı idi? Onlar (İspaniya Futbol Ferasiyası nəzərdə tutulur – red.) vicdansızdırlar. Onlar artıq gizlənmirlər. Onlar oyuna 1 saat qalmış futbolçunu psixoloji cəhətdən məhv etməyə çalışdılar. Niyə? Bu, İspaniyanın komandasıdır, niyə ona zərər vurmağa çalışırsınız ki?”
Xatırladaq ki, Vinisius Junior La Liqanın 8-ci turunda “Vilyarreal”la matçda (1:0) qırmızı vərəqə aldığı üçün 4 oyunluq cəzalanıb. Braziliyalı hücumçu həmin görüşdə rəqib futbolçu Natan Dilan Salibanın saşlarını yolmuşdu.
